2022 йил 16 май куни Ўзбекистон Республикаси Президентининг “Айрим долзарб вирусли инфекциялар тарқалишига қарши курашиш чора-тадбирларини такомиллаштириш тўғрисида”ги Қарори қабул қилинди.
🔷 Вирусли гепатитларнинг В ва С турларини аҳоли орасида эрта аниқлаш қарорда кўрсатилган асосий йўналишлардан бири бўлиб, юртимизнинг барча ҳудудларида мазкур касалликларни ташхислаш мақсадида скрининг текширувлари ўтказилмоқда. Вирусли гепатит С аниқланган беморлар вирусга қарши дори воситалари билан бепул таъминланмоқда. Бу бир томондан “мулойим қотил” номини олган гепатит С вирусининг организмдан чиқиб кетиши яъни вирус элиминациясига эришиш орқали кўпинча ўлимга сабаб бўладиган касаллик асоратлари ҳисобланган жигар циррози ва жигар саратонининг олди олинса, бошқа томондан вируснинг бартараф қилиниши боис инфекциянинг аҳоли орасида тарқалишига барҳам берилади